ឯកអគ្គរដ្ឋទូតសហរដ្ឋអាមេរិក កោតសរសើរចំពោះការរីកចម្រើន របស់រាជធានីភ្នំពេញ 

AKP ភ្នំពេញ ថ្ងៃទី០៤ ខែកុម្ភៈ ឆ្នាំ២០២០ — ឯកឧត្តម ផាព្រីក មួរហ្វី  (W.Patrick Murphy) ឯកអគ្គរដ្ឋទូតសហរដ្ឋអាមេរិកប្រចាំ ព្រះរាជាណាចក្រកម្ពុជា បានកោតសរសើរចំពោះការរីកចម្រើន និងមានសន្តិសុខល្អរបស់រាជ ធានីភ្នំពេញ ពិសេសគឺការរក្សាសន្តិសុខជូនបុគ្គលិកស្ថានទូត។ ជាងនេះទៀត គឺក្នុងពិធី គម្រប់ ខួប៧០ឆ្នាំ នៃទំនាក់ទំនងការទូតរវាងកម្ពុជា និងអាម៉េរិក បានថែរក្សាសន្តិសុខបាន យ៉ាងល្អ ។

ការបង្ហាញពីអារម្មណ៍បែបនេះរបស់ ឯកឧត្តម ផាព្រីក មួរហ្វី បានធ្វើឡើងក្នុងជំ នួបជាមួយអភិបាលរាជធានីភ្នំពេញ ឯកឧត្ដម ឃួង ស្រេង នារសៀលថ្ងៃទី០៤ ខែកុម្ភៈ ឆ្នាំ ២០២០ នៅសាលារាជធានីភ្នំពេញ។ ឯកឧត្តមឯកអគ្គរដ្ឋទូតថ្មីរបស់សហរដ្ឋអាមេរិក ក៏បាន លើកឡើងផងដែរថា ភ្នំពេញជាទីក្រុងមួយក្នុងចំណោមទីក្រុងអាស៊ាន ដែលត្រូវរៀបចំ គម្រោងជាទីក្រុងវៃឆ្លាត smart city ហើយការរៀបចំគម្រោងនេះ រៀបចំឡើងដោយសហរដ្ឋ អាមេរិក។ គម្រោងនេះនឹងមានអត្ថប្រយោជន៍ទាំងអស់គ្នាសម្រាប់រាជធានីភ្នំពេញ និង បណ្ដាទីក្រុងផ្សេងទៀត។

ឯកឧត្តមបន្តថា ពាក់ព័ន្ធនឹងទីក្រុងវៃឆ្លាតនេះដែរ នៅសហរដ្ឋអាមេរិក យើងបានធ្វើ សន្តិសុខព័ត៌មានមួយជុំវិញទីក្រុងវៃឆ្លាតមួយ ដែលក្នុងនោះសម្រាប់កម្ពុជាគឺមានទីក្រុង បីបាន ចូលរួមក្នុងនោះមានទីក្រុងសៀមរាប បាត់ដំបង និងរាជធានីភ្នំពេញ។ សហរដ្ឋអាមេរិកសន្យាថានឹងបណ្ដុះបណ្ដាល ធនធានមនុស្សជុំវិញទីក្រុងឆ្លាតវៃ smart city ជាមួយនឹងគម្រោង បណ្ដុះបណ្ដាលបច្ចេកទេសទៅលើកាកសំណល់។

ឯកឧត្ដម ឃួង ស្រេង បានលើកឡើងពីរបបប៉ុលពតដែលបានធ្វើឱ្យប្រទេស កម្ពុជាធ្លាក់ដល់ចំណុចសូន្យ។ ប៉ុន្តែដោយការខិតខំប្រឹងប្រែងរបស់រាជរដ្ឋាភិបាលបានធ្វើ ឱ្យប្រទេសកម្ពុជានាពេលបច្ចុប្បន្ននេះ មានការអភិវឌ្ឍរីកចម្រើនលើគ្រប់វិស័យ។ ទន្ទឹមនៃការ រីកចម្រើនរាជធានីភ្នំពេញនេះ ក៏មានបញ្ហាប្រឈមជាច្រើនផងដែរ ដូចជាបញ្ហាក កស្ទះចរាចរណ៍បញ្ហាបរិស្ថានជាដើម ដែលបញ្ហានេះរាជធានីភ្នំពេញ បាន និងកំពុងធ្វើការ ដោះស្រាយផងដែរ។

ឯកឧត្ដមបញ្ជាក់ផងដែរថា ចំពោះបញ្ហាសន្តិសុខគឺឃើញថារាជធានីភ្នំពេញ មាន សន្តិសុខល្អប្រសើរហើយ ប៉ុន្តែអ្វីដែលជាបញ្ហាប្រឈមមួយទៀត ដែលជាកង្វល់ដ៏ខ្លាំងរបស់ រាជធានីភ្នំពេញនោះគឺបញ្ហាគ្រោះថ្នាក់ចរាចរណ៍ វាបានសម្លាប់ មនុស្ស និងខូចខាតទ្រព្យ សម្បត្តិរាល់ថ្ងៃ។ ចំពោះបញ្ហាសំរាម ឯកឧត្ដម ឃួង ស្រេង បានបញ្ជាក់ផងដែរថា នៅពេល ខាងមុខនេះ បញ្ហាសំរាមនេះនឹងមានលក្ខណៈល្អប្រសើរ ជាងនេះមិនខាន។ ឯកឧត្ដម ឃួង ស្រេង ក៏បានបញ្ជាក់ផងដែរថា ទំនាក់ទំនងរវាងរាជធានី និងសហរដ្ឋអាមេរិក គិតចាប់ពីឆ្នាំ រាជធានីបានចុះហត្ថលេខាបង្កើតសម្ព័ន្ធ សហរដ្ឋអាមេរិកមកម៉្លេះ។

ឯកអគ្គរដ្ឋទូតសហរដ្ឋអាមេរិកក៏បានបញ្ជាក់ផងដែរថា ទីក្រុងណាក៏ដូចជាទីក្រុងណា ដែរ បញ្ហាប្រឈមទៅលើបញ្ហាកកស្ទះចរាចរណ៍ កាកសំណល់ និងបញ្ហាដីធ្លីជាដើម ដែលជា បញ្ហាប្រឈម ហើយបញ្ហាទាំងនេះគឺជាបញ្ហាយើងទាំងអស់គ្នា៕

ដោយ សួស សំរិត