ខេត្តកំពង់ចាមបើកការដ្ឋានជួសជុលទំនប់ធំសម្រាប់កសិករនៅក្នុងស្រុកស្ទឹងត្រង់

វិទ្យុជាតិកម្ពុជា៖ដោយ ហ៊ាង ចាន់ថា ខេត្តកំពង់ចាម៖


អាជ្ញាធរខេត្តកំពង់ចាមនៅថ្ងៃទី២៣ ខែមីនា ឆ្នាំ២០១៩បានចាប់ដំណើរការ បើកការដ្ឋានជួសជុលទំនប់ធំ ដែលជាជំនួយរបស់អង្គការស្ពានកម្ពុជា ហូឡង់ ។


ពិធីបើកការដ្ឋានស្ថិតក្រោមអធិបតីភាព ឯកឧត្តម កៅ សុខអាន អភិបាលរង នៃគណ:អភិបាលខេត្ត តំណាងដ៍ខ្ពង់ខ្ពស់ឯកឧត្តម គួច ចំរើន អភិបាល នៃគណ:អភិបាលខេត្តកំពង់ចាមនិងមានប្រជាពលរដ្ឋចូលរួមសរុបចំនួន ជាង១០០នាក់។
ទំនប់នេះមានប្រវែង ៣៦០ម៉ែត្រ ស្ថិតនៅភូមិអូរពី ឃុំដងក្តា ស្រុកស្ទឹងត្រង់ ចំណាយថវិកាសរុបចំនួន ៤៣,២៨២ដុល្លារ ក្នុងនោះបដិភាគរបស់ប្រជាពលរដ្ឋចំនួន ៧,៧៩១ដុល្លារ ៕