ព្រះករុណា ព្រះមហាក្សត្រ និងព្រះមហាក្សត្រី ស្តេចយាងចាកចេញពីអាកាសយានដ្ឋានអន្តរជាតិភ្នំពេញ ដើម្បីយាងពិនិត្យព្រះរាជសុខភាព នៅទីក្រុងប៉េកាំង

AKP ភ្នំពេញ ថ្ងៃទី១៧ ខែមីនា ឆ្នាំ២០១៩ —

ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេច ព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេចក្តីសេរីភាព សេចក្តីថ្លៃថ្នូរ និងសុភមង្គល ស្តេចយាងចាកចេញពីអាកាសយានដ្ឋានអន្តរជាតិ ភ្នំពេញ នាព្រឹកថ្ងៃទី១៧ ខែមីនា ឆ្នាំ២០១៩ ដើម្បីយាងពិនិត្យ ព្រះរាជសុខភាព នៅទីក្រុងប៉េកាំង នៃសាធារណរដ្ឋប្រជាមានិតចិន ។

យាងនិងអញ្ជើញជូនព្រះរាជដំណើរព្រះអង្គទាំងទ្វេរនៅឯព្រលានយន្តហោះ មានវត្តមាន សម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំងញ្ញាតិវង្សានុវង្ស និងថ្នាក់ដឹកនាំ ឯកអគ្គរដ្ឋទូត រាជទូតប្រចាំកម្ពុជា ជាច្រើនរូបទៀត ។

រូបថត៖ ខឹម សុវណ្ណារ៉ា