សម្តេចតេជោ ហ៊ុន សែន អញ្ជើញជួបពិភាក្សាការងារជាមួយ រដ្ឋមន្ត្រីព័ត៌មាន និងទូរគមនា គមន៍ នៃសាធារណរដ្ឋសង្គមនិយមវៀតណាម

វិទ្យុជាតិកម្ពុជា​៖​ ដោយ​ លោក​ ជៀង​ យ៉ា​រ៉េត​៖


សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឲ្យឯកឧត្តម Nguyen Manh Hung រដ្ឋមន្រ្តីក្រសួងព័ត៌មាន និងទូរគមនា គមន៍នៃសាធារណរដ្ឋសង្គមនិយមវៀតណាម ចូលជួបសម្តែងការគួរសម និងពិភាក្សាការងារនៅវិមានសន្តិភាព កាលពីរសៀលថ្ងៃទី១៤ ខែ មីនាឆ្នាំ ២០១៩នេះ។


នៅក្នុងជំនួប ឯកឧត្តម Nguyen បានគោរពជម្រាបជូនសម្តេចតេជោនាយករដ្ឋមន្រ្តីថា នេះជាលើកទីមួយហើយដែលលោកបានមកកាន់ព្រះរា ជាណាចក្រកម្ពុជា បន្ទាប់ពីលោកបានត្រូវតែង តាំងជារដ្ឋមន្ត្រីព័ត៌មាន និងទូរគមនាគមន៍នៃប្រទេសវៀតណាម។ ឯ.ឧ Nguyen បានជម្រាបជូនសម្ដេចតេជោនាយករដ្ឋមន្រ្តី ពីវឌ្ឍនភាពនៃវិស័យទូរគមនាគមន៍ប្រទេសវៀតណាម ដែលប៉ុន្មានឆ្នាំកន្លងមកនេះ វៀតណាមបានបង្កើតនូវបច្ចេកវិទ្យា ការពារសន្តិសុខ តាមបណ្ដាញព័ត៌ មាន នោះគឺជាបច្ចេកវិទ្យាដែលអាចតាមដាន ពួក Hacker  អាចធ្វើការវិភាគទិន្នន័យ និងអាចស្វែងរក និងទប់ស្កាត់ការប្រព្រឹត្តឧក្រិដ្ឋកម្មតាមប្រព័ន្ធអ៊ីនធឺណិត។ ជាងនេះទៅទៀត ឯ.ឧក៏បានគោរពជម្រាបជូនសម្តេចតេជោនាយករដ្ឋមន្ត្រី ផងដែរ អំពីកិច្ចពិភាក្សារវាងឯ.ឧផ្ទាល់ជាមួយនិង ឯ.ឧ ត្រាំអ៊ីវតឹក រដ្ឋមន្រ្តីក្រសួងប្រៃសនីយ៍ និងទូរ គមនាគមន៍កម្ពុជាពាក់ព័ន្ធនឹងបញ្ហា E-Gover ment  និង ប្រព័ន្ធពាណិជ្ជកម្មអេឡិចត្រូនិច (Ecommerce)ក៏ដូចជាទីក្រុងឆ្លាតវៃ ហើយក៏បានយល់ស្រប ជាមួយគ្នាក្នុងការពិនិត្យ និងប្រើប្រាស់ប្រព័ន្ធ 5G ក៏ដូចជាប្រព័ន្ធបង់ប្រាក់តាមប្រព័ន្ធអេឡិចត្រូនិច និងការរៀបចំឲ្យមាន Data Centers និងកិច្ចសហប្រតិបត្តិការក្នុងការផ្លាស់ប្ដូរព័ត៌មានក៏ដូចជាកិច្ចសហប្រតិបត្តិការក្នុងការអភិវឌ្ឍន៍ធនធានមនុស្ស។ ទន្ទឹមនឹងនោះដែរ ឯ.ឧ Nguyen ក៏បានជម្រាបជូនសម្តេចតេ ជោនាយករដ្ឋមន្ត្រីថា នឹងផ្ដល់អាហារូបករណ៍ដល់កម្ពុជាចំនួន ៤រូប សម្រាប់សិក្សាលើប្រព័ន្ធអេឡិចត្រូនិច ICT។
ជាការឆ្លើយតប សម្ដេចតេជោនាយករដ្ឋមន្ត្រី បានសំដែងនូវការអបអរសាទរចំពោះវឌ្ឍនភាពរបស់ប្រទេសវៀតណាម ជាពិសេសលើវិស័យប្រព័ន្ធបច្ចេកវិទ្យា ការពារសន្តិសុខនេះ ហើយក៏បានស្វាគមន៍នូវអ្វីដែលបានពិភាក្សា និងការព្រម ព្រៀងគ្នាជាមួយ ឯ.ឧ ត្រាំអ៊ីវតឹក រដ្ឋមន្រ្តីក្រសួងប្រៃសនីយ៍ និងទូរគមនាគមន៍កម្ពុជា។ ទន្ទឹមនឹងនេះ សម្តេចតេជោនាយករដ្ឋមន្ត្រី បានសង្កត់ធ្ងន់សូមឲ្យភាគីទាំងពីរធ្វើយ៉ាងណាចែករំលែកបច្ចេក វិទ្យានិងព័ត៌មានគ្នាទៅវិញទៅមក ក្នុងការអភិវឌ្ឍធនធានមនុស្សព្រោះថានេះជាកត្តាសំខាន់ដែលអាចជួយកម្ពុជាក្នុងការការអភិវឌ្ឍន៍ផ្នែកបច្ចេក វិទ្យាICT៕