អភិបាលខេត្តស្វាយរៀង និងឯកឧត្តម ឌី វិជ្ជា អញ្ជើញចូលរួមសម្របសម្រួលករណីដីធ្លីជាច្រើនឆ្នាំ របស់ប្រជាពលរដ្ឋមួយកន្លែង ស្ថិតនៅទីតាំងផ្សារក្រោលគោ

(ស្វាយរៀង)៖ អនុវត្តតាមយុទ្ធសាស្ត្រ ឈ្នះ ឈ្នះ របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានៅថ្ងៃអង្គារ១២កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៩ ខែកញ្ញា ឆ្នាំ២០២០នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង និងឯកឧត្តម ឌី វិជ្ជា បានអញ្ជើញចូលរួមសម្របសម្រួលករណីដីធ្លីជាច្រើនឆ្នាំរបស់ប្រជាពលរដ្ឋមួយកន្លែង ស្ថិតនៅទីតាំងផ្សារក្រោលគោ ក្នុងឃុំក្រោលគោ ស្រុកស្វាយជ្រំ ខេត្តស្វាយរៀង ជាលទ្ធផលទទួលបានជោគជ័យ ដោយផ្អែកលើយុទ្ធសាស្ត្រឈ្នះឈ្នះប្រកបដោយស្នាមញញឹម។

សូមបញ្ជាក់ផងដែរថា ការសម្របសម្រួលនេះក៏មានការអញ្ជើញចូលរួមពី ឯកឧត្តមអភិបាលរងខេត្ត ឯកឧត្តមប្រធានសាលាដំបូងខេត្ត លោកនាយករដ្ឋបាលសាលាខេត្ត លោកអភិបាលស្រុកស្វាយជ្រំ លោកប្រធានការិយាល័យរៀបចំដែនដីនគររូបនីយកម្មសំណង់ និងភូមិបាលស្រុក លោកមេឃុំ ក្រុមប្រឹក្សាឃុំ លោកមេធាវី និងមន្ត្រីពាក់ព័ន្ធមួយចំនួនទៀត៕ ដោយ៖ មន្ទីរព័ត៍មានខេត្តស្វាយរៀង(ផ្សាយដោយ កន ចំណាន)