ក្រុមការងារ​ទទួល និង​ដឹកជញ្ជូន​ប្រជាពលរដ្ឋ​ខ្មែរ ដែល​បាន​វិលត្រឡប់​មកពី​ប្រទេស​ថៃ​របស់​អាជ្ញាធរ​ខេត្តសៀមរាប

​សៀមរាប​៖ នៅ​ថ្ងៃ​អង្គារ ទី​០២ ខែមិថុនា ឆ្នាំ​២០២០​នេះ នៅតែ​ទៅ​បន្ត​រង់ចាំ​ទទួល​ប្រជាពលរដ្ឋ​ខ្មែរ ដែល​វិលត្រឡប់​មកពី​ប្រទេស​ថៃ​ដដែល​។ នៅថ្ងៃនេះ​ទទួលបាន​ចំនួន​សរុប ៥៤​នាក់ ស្រី​ចំនួន ២៣​នាក់ ដែល​ចូលមក​តាម​ច្រក​ដូង ខេត្តបាត់ដំបង​, តាម​ច្រក​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ និង​ច្រក​អូរ​ស្មាច់ ខេត្តឧត្ដរមានជ័យ ។​

​គិត​ចាប់ពី​ថ្ងៃទី​១០ ខែមីនា មកដល់​ថ្ងៃទី​០២ ខែមិថុនា ឆ្នាំ​២០២០​នេះ តួលេខ​សរុប​ដែល​បានទទួល​ប្រជាពលរដ្ឋ​ខ្មែរ ចូល​តាម​ច្រក​ទាំងបី​ខាងលើ​មាន​ចំនួន ១៣,៨១៩​នាក់ ស្រី​ចំនួន ៥,៩៩៩​នាក់ ក្នុង​នោះបាន​ពិនិត្យ​សុខភាព​បឋម​បាន​ចំនួន​១៣,៨១៩​នាក់ ស្រី ៥,៩៩៩​នាក់ គឺ​ពិនិត្យ​សុខភាព​បាន​ទាំងអស់​។ សូមបញ្ជាក់​ជូន​ថា ប្រជា​ពលករ​ខ្មែរ​ដែល​វិលត្រឡប់​មកពី​ប្រទេស​ថៃ​ក្នុង​មួយថ្ងៃៗ មាន​ចន្លោះ​ពី​ជាង ១០០ នាក់​រហូតដល់​ជាង ៣០០​នាក់ សម្រាប់​ទូទាំងប្រទេស​កម្ពុជា ៕ ដោយ​៖​មន្ទីរ​ព័ត៌មាន​ខេត្តសៀមរាប​