សម្តេចនាយករដ្ឋមន្រ្តី ហ៊ុន សែន ដឹកនាំគណៈប្រតិភូជាន់ខ្ពស់កម្ពុជា អញ្ជើញទៅចូលរួមកិច្ចប្រជុំកំពូលអាស៊ី-អឺរ៉ុប (ASEM) លើកទី១២ នៅទីក្រុងប្រ៊ុចសែល

AKP ភ្នំពេញ ថ្ងៃទី១៧ ខែតុលា ឆ្នាំ២០១៨ —

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដឹកនាំគណៈប្រតិភូជាន់ ខ្ពស់កម្ពុជា ចាកចេញពីព្រលាន យន្តហោះអន្តរជាតិភ្នំពេញ នារំលងអាធ្រាត្រថ្ងៃទី១៦ ឈានចូលទី១៧ ខែតុលា ឆ្នាំ២០១៨ ដើម្បីអញ្ជើញទៅចូលរួមកិច្ចប្រជុំកំពូលអាស៊ី-អឺរ៉ុប (ASEM) លើកទី១២ ដែលនឹង ប្រព្រឹត្តទៅនៅទីក្រុង ប្រ៊ុចសែល ប្រទេសប៊ែលហ្ស៊ិក ចាប់ពីថ្ងៃទី១៨ ដល់ថ្ងៃទី១៩ ខែតុលា ឆ្នាំ២០១៨ ។

អញ្ជើញជូនដំណើរសម្តេច និងគណៈប្រតិភូ នៅឯព្រលានយន្តហោះអន្តរជាតិភ្នំពេញ មានវត្តមានសម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ ព្រមទាំងសម្តេច ឯកឧត្តម លោកជំទាវ និងថ្នាក់ដឹកនាំ ជាឧបនាយករដ្ឋមន្រ្តី ទេសរដ្ឋមន្រ្តី រដ្ឋមន្រ្តី នាយនគរបាល នាយកទាហាន ជាច្រើនរូបទៀត ។

រូបថត៖ កុក គី និង ខឹម សុវណ្ណារ៉ា