អន្តរក្រសួងពិនិត្យគម្រោងបង្កើតចំណតរថយន្តក្រុង

AKP ភ្នំពេញ ថ្ងៃទី៣១ ខែសីហា ឆ្នាំ២០១៨ –នៅទីស្តីការក្រសួងរសៀលថ្ងៃព្រហស្បតិ៍ ៤រោច ខែស្រាពណ៍ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣០ ខែសីហា ឆ្នាំ២០១៨ ឯកឧត្តម ផៃ ប៊ុនឈឿន រដ្ឋលេខាធិការក្រសួងបរិស្ថាន បានដឹកនាំកិច្ចប្រជុំអន្តរក្រសួងដើម្បីពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថាន និងសង្គមដំបូង (IESIA) លើគម្រោងបង្កើតចំណតរថយន្តក្រុង(Bus Depot)

យោងលើអត្ថបទព័ត៌មាន ដែលចេញផ្សាយដោយក្រសួងបរិស្ថាន បានឱ្យដឹងបន្ត ថា គម្រោងបង្កើតចំណតរថយន្តក្រុង(Bus Depot)លើផ្ទៃដីទំហំ ៤ហិកតា មានទីតាំងស្ថិតនៅក្នុងភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ របស់

រដ្ឋាករស្វយ័តដឹកជញ្ជូនសាធារណៈរថយន្តក្រុង (ម្ចាស់គម្រោង) ដែលបានសិក្សា និងរៀប

ចំរបាយការណ៍វាយតម្លៃហេតុប៉ះពាល់បរិស្ថាន ដោយក្រុមហ៊ុនទីប្រឹក្សា អ៊ី & អេ ខនសាល់ធេន។

ប្រភពខាងលើបន្តថា អង្គប្រជុំបានសម្រចបានលទ្ធផលដូចខាងក្រោម៖ ទីក្រុម ហ៊ុនទីប្រឹក្សាត្រូវពិនិត្យឡើងវិញនូវប្លង់បច្ចេកទេស និងវាយតម្លៃទៅលើប្រព័ន្ធជលសាស្រ្ត។ ទី២-ពាក់ព័ន្ធនឹងសំណល់រឹង-រាវ ក្រុមហ៊ុនទីប្រឹក្សា និងម្ចាស់គម្រោង ត្រូវសិក្សាពីកាសាងសង់ (ក) អាងប្រព្រឹត្តិកម្មសំណល់រាវ, (ខ) ឡដុតសំរាម។ ទីសូមឯកភាពទៅលើគម្រោងចំណតរថយន្តក្រុងនេះ និងទទួលមតិយោបល់ និងព័ត៌មានពីឯកឧត្តម លោកជំទាវ លោក លោកស្រី ដើម្បីធ្វើការកែសម្រួល។

គួសបញ្ជាក់ថា កិច្ចប្រជុំនេះមានការចូលរួមពី ឯកឧត្តម លោកជំទាវ លោក លោកស្រីតំណាងអគ្គនាយកដ្ឋាន និងអគ្គលេខាធិការដ្ឋានពាក់ព័ន្ធនៃក្រសួងបរិស្ថាន, តំណាងក្រសួងសេដ្ឋកិច្ច និងហិរញ្ញាវត្ថុ, ក្រសួងឧស្សាហកម្ម និងសិប្បកម្ម,ក្រសួងរៀបចំដែនដី  នគរូបនីយកម្ម និងសំណង់, ក្រសួងធនធានទឹក និងឧតុនិយម, ក្រសួងការងារ និងបណ្តុះ បណ្តាលវិជ្ជាជីវៈ, ក្រសួងកសិកម្ម រុក្ខាប្រមាញ់ និងនេសាទ, (ជំនាញរដ្ឋបាលជលផល និងជំនាញរដ្ឋបាលព្រៃឈើ), ក្រសួងសាធារណការ និងដឹកជញ្ជូន, ក្រុមប្រឹក្សាអភិវឌ្ឍន៍កម្ពុជា, រដ្ឋបាលរាជធានីភ្នំពេញ, និងមន្ទីរបរិស្ថានរាជធានីភ្នំពេញ, តំណាងនាយកដ្ឋានវាយតម្លៃហេតុប៉ះពាល់បរិស្ថាន, តំណាងរដ្ឋាករស្វយ័តដឹកជញ្ជូនសាធារណៈរថយន្តក្រុង (ម្ចាស់គម្រោង), និងក្រុមហ៊ុនទីប្រឹក្សាផងដែរ ៕

ដោយ ពេជ្រ ណារិទ្ធ